Një njeri dhe një luan po diskutonin një ditë për forcën që e kanë në krahasim me njëri tjetrin. Njeriu thoshte se njerëzit ishin shumë më të fortë se luanët për shkak të inteligjencës së tyre të madhe. "Eja ti me mua tani," i tha njeriu luanit, "e unë ta dëshmoj se kam të drejtë."

Njeriu e çoi luanin në muze dhe ja tregoi një pikturë të Herkulit, dhe i tha atij: “Luani mund të jetë mbreti i bishave, por shiko ti këtë pamje. Në duart tona ai është sikur dylli.”

Luani ju përgjigj kështu: "Kjo pikturë nuk vërteton asgjë, sepse njeriu e ka vizatuar atë. Po ta kisha vizatuar unë, krejt ndryshe do të dukej."